રજિસ્‍ટર્ડ મેડિકલ પ્રેકિટશનરે દવાના ઘટક તરીકે વાપરવા માટે ભાંગ કબજામાં રાખવા અને ઔષધ- પત્ર પર આવી ભાંગયુકત દવાના વેચાણ માટેનો બી-૧ પરવાનો.

અરજદારે જિલ્લા કચેરી ખાતે રજૂ કરવાના આધારો :-

• રૂ/. ૩ ની કોર્ટ ફી સ્ટેમ્પ સાથે અરજી.

• દવાખાના / ડિસ્પેન્સરી / હોસ્પિ‍ટલની જગાનો પુરાવો.

• અરજદારનાં પદવી પ્રમાણપત્ર અને રજિસ્ટ્રેશન અને / અથવા (જરૂરી હોય તે કિસ્સામાં) રીન્યુઅલ સ્લિપની નકલ.

અરજી ઉપરની કાર્યવાહીની ટૂંક વિગતો -

• રજૂ કરેલ માહિતીની ચકાસણી કરી, જરૂર જણાયેથી બીજી વિગતો માંગવામાં આવશે.

• જેના આધારે અરજીનો યોગ્ય નિકાલ કરવામાં આવશે.

પરવાનો મંજૂર થયેથી અનુસરવાની મુખ્ય બાબતો.

-પરવાનો મંજૂર થયેથી તેના માટે હાલ નીચેના દરે ફી ભરપાઇ કરવાની થશે.

આ ફી મુખ્ય સદર ૦૦૩૯ રાજય આબકારી ગૌણ સદર અને પેટા સદર, ૧૦૮ (ચ) અફીણ, ગાંજો અને બીજા ઔષધો (૩) ફી ના સદરે ભરપાઇ કરવાની રહેશે.

• પરવાનાની મુદત નાણાકીય વર્ષના અંત (તા.૩૧ મી માર્ચ) સુધીની રહેશે. જે મુદત પુરી થતા અગાઉ તેને ફરી તાજો કરાવવા, સમયસર સંબંધિત જિલ્લા કચેરીને અરજી કરવાની રહેશે.

• પરવાના સિવાય ભાંગયુકત દવાઓનું વેચાણ કરવાથી કે તે કબજામાં રાખવાથી મુંબઇ નશાબંધી અધિનિયમ, ૧૯૪૯ની કલમ ૯૦ હેઠળ છ માસ સુધીની કેદ અને / અથવા  રૂ/.૫૦૦ સુધીના દંડની સજા થઇ શકે છે.
   

1 પરવાનેદારોની યાદી સહિત આ પરવાના અંગે વિશેષ માહિતી જિલ્‍લા કચેરીનો સંપર્ક કરવાથી મળી શકશે.