સ્વાસ્‍થ્‍ય પરમિટ 

નિયમ ૬૪ - સી હેઠળ.

મુંબઇ વિદેશી દારૂ નિયમો, ૧૯૫૩ ના નિયમ ૬૪ - સી હેઠળ ગુજરાત રાજયમાં વસતા સશસ્ત્ર દળોના સેવા નિવૃત્ત થયેલ સભ્‍યોને પોતાનું આરોગ્ય જાળવવા અથવા નિભાવવા માટે ભારતીય બનાવટનો વિદેશી દારૂ કબજામાં રાખવા, વાપરવા અને ઉપભોગ કરવા માટે નીચે જણાવેલ કાર્યપધ્ધતિ અનુસર્યેથી સ્વાસ્થ્ય પરમિટ મળી શકે છે.

(ક) નિર્ધારીત ફી ભર્યેથી નિયત નમૂનાનું અરજી ફોર્મ જે-તે જિલ્લા કચેરીથી મળી શકશે.

(ક-૧) આ અરજી ફોર્મમાંની વિગતો ભરી અરજદારે રૂ/.૩ ની કોર્ટ ફી સ્ટેમ્પ સાથે અરજી ફોર્મ જે - તે કચેરીએ પરત કરવાનું રહેશે.

(ખ) અરજી ફોર્મની સાથે અરજદારે- 
(૧) ડીસ્ચાર્જ બુક / સર્ટિફિકેટ.

(૨) એકસ- સર્વિસમેન ઓળખપત્ર.

(૩) અગાઉ કોઇપણ જગાએથી આવી પરમિટ મેળવેલ હોય તો નો ઓબ્જેકશન સર્ટિફિકેટ અથવા તે પરમિટ પરત જમા કરાવ્યા અંગેનો આધાર.

(૪) જિલ્લા ખાતે રહેઠાણનો પુરાવો

        રજૂ કરવાના રહેશે.

(ગ) ઉપર્યુકત તમામ આધારો રજૂ કર્યેથી અરજદારની અરજીનો ત્રણ કામકાજના દિવસમાં નિકાલ કરવામાં આવશે. 
નીચે જણાવેલ શરત ખાસ જોવા વિનંતી.

(ઘ) આ પરમિટ મહત્તમ ૩ (ત્રણ) વર્ષ માટે કાઢી આપી શકાય છે. જે પુરી થયેથી ઉપર (ક) અને (ક -૧) પાસે જણાવેલ કાર્યવાહી ફરીથી કરવાની રહેશે.

(ચ) આ પરમિટ હેઠળ મળવાપાત્ર વિદેશી દારૂનો જથ્થો વખતો-વખત ડીફેન્સ ઓથોરિટી નકકી કરે તેટલા યુનિટનો રહેશે.

(છ) પરમિટ મંજૂર થયેથી તેના માટે હાલ નીચેના દરે ફી ભરપાઇ કરવાની થશે.

આ ફી મુખ્ય સદર ૦૦૩૯ રાજય આબકારી ગૌણ સદર અને પેટા સદર, ૧૦૫ (ખ) પરદેશી દારૂ અને સ્પિરિટ (૨) ફી ના સદરે ભરપાઇ કરવાની રહેશે.

(જ) અરજદારને મંજૂર કરેલ વિદેશી દારૂનો જથ્થો રાજ્યમાંના લશ્કરી દળના યુનિટોના એફ. એલ. ૨ પરવાનેદારો પાસેથી જ ખરીદવાનો રહેશે.

      આમ છતાં વિકલ્પે આવા પરમિટધારક પોતાની પરમિટ હેઠળ સંરક્ષણ દળોએ નિશ્ચિત કરેલ જથ્થો સિવિલિયન વેન્ડર્સ લાઇસન્સદાર પાસેથી કે રાજ્ય બહારના લશ્કરી દળોના માન્ય પરવાનાધારકો પાસેથી ખરીદ કરી શકે છે. પરંતુ આ માટે નિયત ફી ભરી, પરમિટ કાઢી આપનાર સત્તાધિકારી પાસેથી શેરો કરાવવાનો રહેશે.

શરત- પરમિટની શરતોનો ભંગ થવાથી તે રદ કરવાને કે મોકૂફ રાખવાને પાત્ર છે. વળી, આવી રીતે શરતોનો ભંગ થવાથી મુંબઇ નશાબંધી અધિનિયમ, ૧૯૪૯ની કલમ ૬૫ હેઠળ પ્રથમ ગુના માટે છ માસની કેદ અને રૂ/.૫૦૦ ના દંડની સજા થઇ શકે છે. બીજા, ત્રીજા વિગેરે ગુનામાં ઉત્તરોત્તર વધુ સજાની જોગવાઇ છે.

 આ પરમિટ અંગે વિશેષ માહિતી જિલ્‍લા કચેરીનો સંપર્ક કરવાથી મળી શકશે.

નોધ: ગ્રૃહ વિભાગ ના તારીખ તારીખ ૨૮-૦૮-૨૦૨૨ના નોટીફિકેશન નં: GG/117/2022/VDR/102022/830/E-1 થી સેવા નિવૃત નિવૃત સૈનિકોને હેલ્થ પરમિટ 64(C) માંથી મુક્તિ આપેલ છે.