તત્કાલ જરૂરિયાત માટેની (ઇમરજન્સી) પરમિટ

મુંબઇ વિદેશી દારૂ નિયમો, ૧૯૫૩ ના નિયમ ૬૭ હેઠળ ગુજરાત રાજયમાં વસતી વ્યકિતઓને પોતાના કુટુંબના ઉપયોગ સારુ તત્કાલ ઊભા થતાં સંજોગોને પહોંચી વળવા બ્રાન્ડી, રમ અથવા શેમ્પેઇન કબજામાં રાખવા, વાપરવા અને ઉપયોગ કરવા માટે નીચે જણાવેલ કાર્યપધ્ધતિ અનુસર્યેથી આ પરમિટ મળી શકે છે. 

નોંધ -

(૧) અરજદાર વ્યકિતએ ૨૧ (એકવીસ) વર્ષની ઉંમર પૂર્ણ કરેલ હોવી જોઇશે.

(૨) અરજદાર વ્યકિત પોતાના કુટુંબનો વડો હોવો જોઇશે.

(૩) કોઇપણ એક કુટુંબમાં માત્ર એક જ વ્યકિતને આવી પરમિટ મળી શકે છે.

(ક) નિર્ધારીત ફી ભર્યેથી નિયત નમૂનાનું અરજી ફોર્મ જે-તે જિલ્લા કચેરીએથી મળી શકશે.

(ક-૧) આ અરજી ફોર્મમાંની વિગતો ભરી અરજદારે રૂ/.૩ ની કોર્ટ ફી સ્ટેમ્પ સાથે અરજી ફોર્મ જે-તે કચેરીએ પરત કરવાનું રહેશે.

(ખ) અરજી ફોર્મની સાથે અરજદારે -

(૧) પોતાના કૌટુંબિક તબીબનું આવી પરમિટ જરૂરી હોવા બાબતનું પ્રમાણપત્ર.

(૨) પોતાની ઉંમરનો પુરાવો

(૩) જે - તે જિલ્લા ખાતે રહેઠાણનો પુરાવો

(૪) પોતે કુટુંબના વડા હોવા બાબતનો પુરાવો

રજૂ કરવાના રહેશે.

(ગ) ઉપર્યુકત તમામ આધારો રજૂ કર્યેથી અરજદારની અરજીનો નિકાલ કરવામાં આવશે.

નીચે જણાવેલ શરત ખાસ જોવા વિનંતી.

(ઘ) હાલ આ પ્રકારની પરમિટ હેઠળ નીચે મુજબના જથ્થા માટે પરવાનગી આપી શકાય છે.

દર છ માસના સમયગાળા માટે ૧૮૦ મિલિલિટર બ્રાન્ડી અથવા રમ કે ૩૭૫ મિલિલિટર શેમ્પેઇન

(ચ) પરમિટ મંજૂર થયેથી તેના માટે હાલ નીચેના દરે ફી ભરપાઇ કરવાની થશે.

આ ફી મુખ્ય સદર ૦૦૩૯ રાજય આબકારી ગૌણ સદર અને પેટા સદર, ૧૦૫ (ખ) પરદેશી દારૂ અને સ્પિરિટ (૨) ફી ના સદરે ભરપાઇ કરવાની રહેશે.

(છ) પરમિટની મુદત પુરી થયેથી ઉપર (ક), (ક-૧) અને (ખ) પાસે જણાવેલ કાર્યવાહી ફરીથી કરવાની રહેશે.

(જ) અરજદારને મંજૂર કરેલ વિદેશી દારૂનો જથ્થો રાજયમાંના વિદેશી દારૂના માન્ય વેન્ડર્સ લાઇસન્સદાર પાસેથી જ ખરીદવાનો રહેશે.

(ઝ) આવી પરમિટની મુદત નાણાકીય વર્ષનાં અંત (તા.૩૧ મી માર્ચ) સુધીની રહેશે.

શરત -

પરમિટની શરતોનો ભંગ થવાથી તે રદ કરવાને કે મોકૂફ રાખવાને પાત્ર છે. વળી, આવી રીતે શરતોનો ભંગ થવાથી મુંબઇ નશાબંધી અધિનિયમ, ૧૯૪૯ની કલમ ૬૫ હેઠળ પ્રથમ ગુના માટે છ માસની કેદ અને રૂ/.૫૦૦ ના દંડની સજા થઇ શકે છે. બીજા, ત્રીજા વિગેરે ગુનામાં ઉત્તરોત્તર વધુ સજાની જોગવાઇ છે. 

  આ પરમિટ અંગે વિશેષ માહિતી જિલ્‍લા કચેરીનો સંપર્ક કરવાથી મળી શકશે.