પરવાના વિગેરે કોઇ કારણોસર ખોવાઇ, ચોરાઇ, ફાટી જાય કે નાશ પામે તે સંજોગોમાં તેના ધારકે તેની ડુપ્લિકેટ મેળવવા માટે રૂ.૩ ની કોર્ટ ફી સ્ટેમ્પ સાથે સંબંધિત ક્ષેત્રિય અધિકારી અથવા જિલ્લા કચેરીને અરજી કરવાની રહેશે.

• આ પ્રમાણે પરવાના, પરમિટ ખોવાઇ કે ચોરાઇ ગયેલ હોવા બાબતે તેના ધારકે કોઇ પોલીસ ફરીયાદ નોંધાવેલ હોય તો તેનો આધાર આવી અરજીની સાથે રજૂ કરવાનો રહેશે.
• જે પરવાના, પરમિટ વિગેરેમાં નોંધ કરીને તેના ઉપર પ્રતિબંધિત પદાર્થનો જથ્થો ઇસ્યુ કરવામાં આવતો હશે, તેવા પરવાના, પરમિટ ડુપ્લિકેટ મેળવવાની અરજીના કિસ્સામાં સંબંધિત કચેરી દ્વારા તે ખોવાઇ, ચોરાઇ વિગેરે ગયા બાબતે સંબંધિત વેચાણકર્તા પરવાનેદારોને લેખિત જાણ કરવામાં આવ્યા બાદ જ ડુપ્લિકેટ પરવાનો, પરમિટ કાઢી આપવા કાર્યવાહી કરવામાં આવશે.
• આ પ્રમાણે ડુપ્લિકેટ પરવાનો, પરમિટ કાઢી આપવા માટે વિદેશી દારૂની તમામ પ્રકારની પરમિટ સિવાયના કિસ્સામાં જે તે પરવાના, પરમિટની ફીના ૧૦ ટકા અથવા ઓછામાં ઓછા રૂ.૧૦૦ ની ફી મુખ્ય સદર ૦૦૩૯ રાજય આબકારી ગૌણ સદર, ૧૫૦(છ) દંડ અને જપ્તી (૨) પરચુરણના સદરે ભરપાઇ કરવાની રહેશે.
• વિદેશી દારૂની પરમિટોના કિસ્સામાં તે મેળવતા સમયે ભરપાઇ કરેલ હોય તેટલી જ ફી ડુપ્લિકેટ પરમિટ માટે ભરપાઇ કરવાની રહેશે.